Á námskeiðinu vinnum við með streitu, verki og þreytu í gegnum slökunarjóga (yin og restorative) og djúpslökun eða yoga nidra, sem er í raun liggjandi leidd hugleiðsla.
Að iðka slökunarjóga getur:
✅losað um streitu í taugakerfinu
✅losað spennu í bandvef líkamans
✅eflt varnir okkar gagnvart álagi
Allar stöðurnar eru gerðar með stuðningsáhöldum eins og kubbum, teppum og púðum. Þannig náum við að liggja lengur í stöðunum og slaka vel á líkamanum.
Markmið námskeiðsins er að skapa aukið rými í lífinu fyrir þakklæti, mýkt og mildi í eigin garð og hlúa að huga og líkama. Ásamt því að tengjast líkamanum og efla líkamsvitund okkar, hægja á, njóta líðandi stundar og auðvelda okkur að takast á við álag og áreiti sem við verðum fyrir dagsdaglega.
Á meðan á námskeiðinu stendur fá þátttakendur aðgang að öllum opnum tímum á stundaskrá Yoga&Heilsa. Þess utan fá þátttakendur persónulegt og einstaklingsmiðað utanumhald, reglulega tölvupósta með upplýsingum, hvatningu og stuðningsefni til að vinna með yfir þær vikur sem námskeiðið stendur. Þátttakendur hafa greiðan aðgang að kennara með spurningar og frekari stuðning ásamt tillögum að æfingum til að iðka heimafyrir.
