Endurnærandi og orkugefandi Yin Yoga & Yoga Nidra djúpslökun með tónheilun með Maríu Dalberg jógakennara.
Tímarnir byrja á 60 mínútna Yin Yoga sem er mjúkt Yoga þar sem yogastöðunum er haldið í djúpum teygjum í 2 til 4 mínútur í senn. Með því að halda stöðunum í ákveðinn tíma, í kyrrð og slökun með djúpum andardrætti, förum við djúpt inn í líkamann og teygjum á bandvefjum líkamans eða connective tissues. Með því að teygja á bandvefjum líkamans öðlast líkaminn meiri liðleika og slökun sem endurnærir hann og gefur nýja orku.
Í seinni hluta tímans er 30 mínútna Yoga Nidra djúpslökun. Yoga Nidra eða yogasvefn er liggjandi leidd hugleiðsla þar sem nemendur liggja á yogadýnunni og láta fara vel um sig. Yoga Nidra er djúp slökun sem losar um spennu, þreytu og streitu og getur hjálpað til við að sofa betur.

María Dalberg er menntuð leikkona og jógakennari. María kláraði 200 tímayogakennaranám í Yoga Shala Reykjavík vorið 2013. Hún kláraði jafnframt 200 tímayogakennaranám í Baptiste Style Power Yoga og Yin Yoga í Iceland Power Yoga í janúar2019. Hún bætti við sig Art of assisting hjá Baptiste Institute í New York. Sumarið 2019 lauk María Yoga Nidra kennaranámi.

Nánari upplýsingar: yoga@yogaogheilsa.is