Jóna Dögg Sveinbjörnsdóttir

Vefhönnuður & Jógakennari

Ég er þakklát fyrir hvað ástundun yoga hefur fært mér; meiri hugarró en ég hef upplifað áður, losað um andlegar stíflur og haldið mér í formi þegar ég hef ekki getað stundað aðrar íþróttir útaf meiðslum.

Jóna Dögg hefur alltaf elskað hreyfingu en hún hefur stundað ýmsar íþróttir síðan hún var barn. Meðal annars dans, jazzballet, hlaup, sund, hjólreiðar, lyftingar, box og kickbox, en fyrir örfáum árum fór hún að stunda yoga og hóf kennaranám samfara því.

Fyrst lauk hún 200 klst námi hjá Amarayoga í Hafnarfirði vorið 2019. Sama haust fór hún til Barcelona og lauk samtals 75 klst námi í Yoga Trapeze hjá YogaBody og í lok janúar 2020 var hún í 6 vikur hjá Om Shanti Om Yoga Ashram í Rishikesh, Indlandi og lauk þar viðbótar 300 klst námi sem samþykkt er af Yoga Alliance USA.

Einnig er Jóna Dögg með kennarréttindi í yoga nidra en hún lærði hjá Matsyendra í ágúst 2020, og í yin fascial yoga sem hún lærði hjá Betu Lisboa í september 2020.

Fylgdu Jónu Dögg á samfélagsmiðlum:

☯️ „Yoga hjálpar mér við að ná innri ró og vera í meira sambandi við líkamann minn og andlega líðan. Ekki skemmir fyrir að afleiðingarnar eru einnig sterkari og liðugri líkami.“

☯️ „Ég kenni hatha yoga, yoga nidra og yin yoga. Ég er einnig með kennararéttindi í Yoga Trapeze en er ekki að kenna það í augnablikinu.“

☯️ „Allar stöður á hvolfi eru í miklu uppáhaldi útaf virkni þeirra. En þær létta á stressi og streitu og geta aukið smá bilið milli hryggjarliðanna sem getur minnkað bólgur í baki. Hvolf stöður geta vera eins og standandi frambeygja, niður hundurinn, höfuðstaða, handstaða svo eitthvað sé nefnt, ásamt ýmsum hangandi stöðum úr rólunni í Yoga Trapeze.“

☯️ „Ég stunda ekki bara yoga heldur ýmsa aðra hreyfingu og þar á meðal kickbox. Mörgum finnst það fyndið þar sem það er ekkert yogalegt við það vera að sparka og kýla, en ég segi alltaf að það þurfi að vera jafnvægi í öllu og ég næ meira jafnvægi með útrás í kickboxi nokkrum sinnum í viku.“

search previous next tag category expand menu location phone mail time cart zoom edit close