Ásta hefur lokið jógakennaranámi hjá YogaWorks 200 RYT, 50 tíma yin yogakennaranámi hjá YogaWise, 50 tíma yin yogakennaranámi hjá Bernie Clark og Diana Batts og 50 tíma yin yogakennaranámi hjá Beta Lisboa. Hún hefur einnig lokið yogakennaranámi fyrir meðgöngujóga og eftirmeðgöngujóga og tekið fjölda námskeiða um jóga og kvenheilsu. Hún hefur einnig tekið fjölda námskeiða í anatómíu og hreyfingu m.a. hjá Tom Myers.
Ásta hefur glímt við bakverki allt frá því hún var unglingur og þekkir vel fylgifiska þess. Í yoga hjá góðum kennurum fann hún heilsurækt sem sameinar styrktaræfingar, liðleika og slökun og segir að jöfn ástundun sé lykilatriði til að halda líkama og sál í góðu formi.
Ásta er ein af eigendum Yoga&Heilsu og er stöðugt að viða að sér meiri þekkingu á yoga og hefur tekið þátt í vinnustofum, námskeiðum og fjarnámi auk þess að vera stöðugt að lesa sér til og kynna sér hvað aðrir yogakennarar eru að gera.