Herða- og höfuðstaða

Herða- og höfuðstaða – framhald og byrjendur

 

  • Tími: 12:15 – 15:15 laugardag og 10:00 – 13:00 sunnudag
  • Verð: 16.900 (fyrir báða dagana – en hægt að velja aðeins annan daginn)
  • Kennari: Bríet Birgisdóttir
  • Skráning: yoga@yogaogheilsa.is

Kennsla fer fram hjá Yoga&Heilsa Ármúla 9.


Innifalið aðgengi að Spa og Betri stofunni (þar má panta sér mat).

Hér er á ferðinni vinnustofa í jóga þar sem verður sérstaklega unnið með herða- og höfuðstöðu. Vinnustofan hentar vel fyrir bæði byrjendur (í herða og höfuðstöðu) og lengra komna. Vinnustofan hentar þó ekki fyrir einstaklinga með vandamál á hnakkasvæði. Námskeiðið er fyrir vana jógaiðkendur þó þeir hafi ekki endilega æft mikið þessar stöður. Við kennsluna er stuðst við Iyengarkennsluaðferðina sem felur í sér notkun á búnaði til að bæði gera stöðurnar aðgengilegri og stundum dýpri. Allur búnaður er á staðnum.Kennari er Bríet Birgisdóttir en hún viðurkenndur jókennari fyrir kennara hjá YogaWorks auk þess að hafa menntað sig í Iyengarjógafræðunum.

Laugardagur: Herðastaða.
Við vinnum með herðastöðu og aðrar tengdar stöður. Skoðum hvaða hlutar líkamans við þurfum sérstaklega að vinna með og lærum að stilla upp fyrir herðastöðu (samkvæmt Iyengarhefðinni). Við skoðum líka ýmsar útgáfur af herðastöðu og aðferðir við að komast í stöðuna. Þú færð aðstoð og „hands on“ leiðréttingar í stöðunum sem getur verið mjög gott þar sem margir átta sig ekki á hvernig á að laga stöðuna þegar maður er í henni.
Getur verið talsvert krefjandi þar sem við höldum stöðum í dágóðan tíma.

Sunnudagur: Höfuðstaða
Við vinnum með höfuðstöðu og skoðum hvar við þurfum styrk og liðleika til að komast í stöðuna. Við lærum mismunandi nálganir við höfuðstöðu og hvernig er best/öruggast að komast upp í stöðuna. Notum allskonar Iyengarbúnað eins og stóla, kubba, pullur og belti til að fá hjálp og endurgjöf í stöðunum.
Við lærum nokkrar óhefðbundnar höfuðstöður og að lokum stöður sem losa um stífleika í hálsi og hnakka.
Hér færð þú líka möguleika á að fínstilla höfuðstöðuna þína með „hands on“ aðstoð.
Getur verið krefjandi og krefst styrks í kjarnavöðvum og öxlum.

Hjartanlega velkomin.

Áskrifendur Yoga&Heilsu fá 50% afslátt.

search previous next tag category expand menu location phone mail time cart zoom edit close